Бүгін елімізде Полиция және Мемлекеттік қызметшілер күні аталып өтуде. Осыған орай құқық қорғау органдары мен мемлекеттік қызмет саласының өкілдері кәсіби мерекелерімен құттықталды.

Мемлекетке адал қызмет ету – үлкен мәртебе және зор жауапкершілік. Қоғамдағы тәртіп пен заңдылықты қамтамасыз етуде, азаматтардың құқығын қорғауда бұл сала мамандарының үлесі ерекше екені атап өтілді.

Қазіргі жаһандық жағдайдың тұрақсыз әрі күрделі сипатына назар аударылып, мұндай кезеңде қоғамдық қауіпсіздікті сақтау мен заңның орындалуын қамтамасыз ету — стратегиялық маңызды міндет екені айтылды.

Осыған байланысты құқық қорғау құрылымдарының өзара бірлесіп, үйлесімді әрекет етуі қажет екені ерекше атап көрсетілді. Бұл жолғы басқосу — осы саладағы негізгі органдар мен қоғам өкілдерінің кеңейтілген форматта алғаш рет бас қосуы.

Сонымен қатар, құқықтық тәртіптің сақталуына азаматтық қоғам тарапынан қосылып жатқан үлес те маңызды екені айтылды. Жиынға атқарушы билік өкілдері, депутаттар, сарапшылар мен белсенді азаматтар қатысты.

Кадрлық әлеуетті жаңарту және болашақ мамандарды даярлау мәселесіне де көңіл бөлінді. Осы мақсатта кездесуге құқық қорғау академияларының курсанттары арнайы шақырылған.

Сондай-ақ трансұлттық қылмыспен күресте халықаралық ынтымақтастықтың маңызы зор екені аталып өтті. Жиынға қатысқан шетелдік полиция атташелеріне құқық қорғау саласындағы серіктестік үшін алғыс білдірілді.